රාජ්‍ය අංශයේ සේවකයන්ගේ වෘත්තීය අයිතිවාසිකම් දිනා ගැනීම සඳහා මෙන්ම සුරක්ෂිත කර ගැනීම සඳහා විවිධ සේවාවන්හි වෘත්තික කණ්ඩායම් එක්ව වෘත්තිය සමිත පිහිටුවා ගැනීම සිදු වේ.

ශ්‍රී ලංකා වෘත්තීය වේ දී විදුහල්පතිවරුන්ගේ සංගමය ද බිහිවන්නේ එම අරමුණ පෙරදැරි කරගෙනය. ඊට අමතරව සංගමය විසින් විදුහල්පතිවරුන්ගේ වෘත්තිකභාවය සංවර්ධනය කිරීම සඳහා ද කටයුතු කරනු ලබයි.

ශ්‍රී ලංකා විදුහල්පති සේවය යනු රාජ්‍ය සේවා වර්ගීකරණය අනුව මාණ්ඩලික මට්ටමේ සේවයකි. ගුරු සේවයේ සිට තරග විභාගයකට ඉදිරිපත්ව උසස් වීමක් ලෙස විදුහල්පති සේවයට පත්වීම සිදුවේ සිදුවේ. රටේ පවතින පාසල් දස දහසකට ආසන්න ප්‍රමාණයක ප්‍රධාන පරිපාලකයා මෙන්ම කළමනාකරුවා වන්නේ විදුහල්පතිවරයාය.එනම් සිසු දරුවන් දරුවන්ගේ මෙන්ම ගුරු භවතුන්ගේ ද ආයතන ප්‍රධානියා වන්නේ විදුහල්පතිවරයාය.එවන් සේවයක් රටට සිදු කරන විදුහල්පතිවරුන්ගේ වෘත්තිය අයිතීන් රැක ගැනීමට පද්ධතිය තුළ සාර්ථක වෘත්තීය සමිති ව්‍යාපාරයක් නොතිබුණු බැවින් 2019 වර්ෂයේ පිහිට වූ SLPPA 2020 වර්ෂයේ අංක 9409 යටතේ ලියාපදිංචි කරන ලදි.

වසර පහකට ආසන්න කාලයක් ශ්‍රී ලාංකීය අධ්‍යාපන පද්ධතියේ පොදු ගැටලු මෙන්ම තනිව ද , ගුරුවිදුහල්පති වෘත්තීය සමිති සන්ධානය සමඟ එක්ව ද විදුහල්පතිවරුන්ගේ වෘත්තිය ගැටලු විසඳාගෙන අයිතිවාසිකම් දිනා ගැනීමට කටයුතු සිදු කර ඇත.

එවන් පසුබිමක 16512ක් පමණ වන ‍ ශ්‍රී ලංකාව විදුහල්පති සේවයේ නිලධාරී සංඛ්‍යාවෙන් දැනට සිටින 11000කට ආසන්න නිලධාරීන් අතරින් තුනෙන් එකකට වැඩි පිරිසක්වන සාමාජිකයන්ට මෙන්ම පද්ධතියේ සෙසු අයට දත්ත ලබා ගැනීම සඳහා මෙම වෙබ් අඩවිය නිර්මාණය කිරීමට හැකිවීම අප ලද ශක්තියකි.මෙමගින් අප සංගමය ඔබට අපක්ෂපාතී උපරිම සේවයක් ලබාදීමට උත්සාහ කරන අතර විදුහල්පතිවරුන්ගේ වෘත්තීය සංවර්ධනය සඳහා ඉගෙනුම් අවශ්‍යතා සපුරාලීමටද මෙමගින් උත්සාහ දරා ඇත.මෙම වෙබ් අඩවිය නිර්මාණය කිරීමේ දී කැප වූ SLPPA විධායක මණ්ඩලයේ සැමට ද, Smart mind හි විධායක අධ්‍යක්ෂකතුමාට ද, W3S ආයතනයට ද ස්තූතිය පුදකරමි.